Huwa importanti li nżommu quddiem għajnejna l-bżonnijiet ta’ l-oħrajn kif ukoll, x’effett jistgħu jħallu kliemna u għemilna fuq l-oħrajn. Importanti għalhekk li nittrattaw lil xulxin kif nistennew li ħaddieħor jittratta lilna.
Impenn:
Bħala komunità li tagħti kas u taħseb fl-oħrajn, huwa importanti li nagħmlu ħbieb, nilqgħu lil dak li jkun, nikkoperaw ma’ xulxin u nużaw manjieri tajba ma’ xulxin u ma’ kull min jiġi jżurna.
Hekk kif tifel jinkiteb fil-Kulleġġ, hu meqjus li minbarra l-obbligu tal-liġi, ikun qed jaċċetta r-regoli kollha tal-Kulleġġ, bid-dmir li jqis li dejjem u f’kollox, fil- Kulleġġ u barra, jagħmel ħiltu għall-ġieħ tiegħu nnifsu u tal-Kulleġġ li jattendi. Il-ġenituri jagħmlu tajjeb li jaraw li dan iseħħ minn uliedhom. Il-ġenituri jaqsmu mal-Kulleġġ id-dmir ta’ l-edukazzjoni ta’ wliedhom u jintrabtu f’isimhom għas-saħħa tal-liġi u tar-regoli eżistenti. Il-ġenituri jibqgħu responsabbli wkoll għal uliedhom meta dawn jattendu l-Kulleġġ u meta fl-għemil tagħhom jonqsu mir-rispett lejn l-awtorità tal-Kulleġġ, bi ksur kontinwu ta’ regoli jew meta l-imġiba tagħhom tkun ħażina. F’dan il-każ, jittieħdu passi dixxiplinari kontra l-istess studenti.
Il-Kulleġġ jgħarraf tajjeb lill-istudenti u l-ġenituri tagħhom dwar x’inhuma r-regoli ta’ mġiba. Dan isir ħafna drabi bil-miktub, fic-ċirkularijiet u d‑dokumenti tal-Kulleġġ. Jingħataw ukoll ħafna spjegazzjonijiet waqt l-assemblies u fil-laqgħat tal-ġenituri. Min jittraskura dan it-tagħrif li jkun ingħata, ma jistax jiskuża xi mġiba mhux korretta jew ħażina tiegħu billi jgħid li ma kienx jaf kif kellu jġib ruħu. Barra minn hekk, imġiba ħażina tibqa’ ħażina, u allura mhix permessa, ukoll jekk iżjed minn persuna waħda tipprova tagħmilha jew forsi wkoll jirnexxilha tagħmilha mingħajr ma tinqabad. Il-ħażin ma jsirx sewwa għaliex jibqa’ jkun hawn persuni li jridu jagħmlu l-ħażin.
i. Li l-istudent jirrispetta lilu nnifsu billi jagħmel ħiltu kollha biex jeduka ruħu, jitgħallem, u juża t-talenti tiegħu għall-ġid tiegħu u ta’ l-oħrajn.
ii. L-istudent għandu jirrispetta l-awtorità. Ir-rispett ta’ l-istudent lejn il-ġenituri tiegħu jrid jidher ukoll waqt il-ħin tiegħu fl-iskola. Fil-Kulleġġ, l-istudent għandu juri kull rispett lejn ir-Rettur u l-Assistent Kap, l-għalliema u kull min jaħdem fl-iskola. Dan ir-rispett lejn l-awtorità jrid jidher mhux biss billi l-istudent jikkopera tajjeb ma’ l-awtorità, imma wkoll billi juża manjieri tajbin u kortesija l-ħin kollu.
iii. L-istudent huwa mistenni
li jirrispetta lil sħabu u ma jagħmel xejn li jista’ jkun
ta’ ħsara għalihom. Fil-ħinijiet kollha,
l-istudenti huma mistennija li jżommu quddiem għajnejhom li
waqt li jkunu jivvjaġġaw minn jew lejn l-iskola, l-imġiba
tagħhom għandha tirrifletti l-image tal-Kulleġġ. Xejn
ma jagħmel aktar ħsara lill-isem tal-Kulleġġ minn
imġiba u manjieri ħżiena. Għalkemm l-awtoritajiet
tal-Kulleġġ mhumiex responsabbli għall-offiżi li
jsiru barra mill-iskola, b’danakollu kull imġiba li tagħmel ħsara
lill-isem tajjeb tal-Kulleġġ hija biżżejjed biex
jittieħdu passi dixxiplinari kontra min jagħmilha.
Ir-regoli tal-Kulleġġ isiru biex jiġi mħares l-aqwa ġid ta’ l-istudenti u għalhekk ma jippermettux dawn il-forom kollha ta’ mġiba ħażina:
Telfien, tfixkil jew twaqqif ta’ lezzjoni jew parti minnha b’konsegwenza ta’ nuqqas ta’ tagħlim meħtieġ għall-istudenti l-oħra.
Ħela ta’ ħin fi tlajjar bla bżonn.
Għajat, storbju u ġiri u kulma jtellef atmosfera sabiħa fil-Kulleġġ.
Ġlied minn piki vojta li jqajmu firda jew ċajt goff.
Tkissir u ħsara fl-apparat u l-għamara ta’ l-iskola, ħela ta’ dawl u ilma u materjal ieħor. Dan irid jiġi mħallas lill-Kulleġġ.
Serq u kull ħsara lill-proprjetà ta’ ħaddieħor. Dan irid jiġi rritornat jew imħallas.
Kull tip ta’ eżempju ħażin, bi kliem jew għemil, li jagħmel ħsara fil-karattru u s‑saħħa ta’ studenti oħra.
Introduzzjoni fil-Kulleġġ ta’ xi oġġett u materjal li bih tista’ ssir xi tip ta’ ħsara fiżika u morali lill-oħrajn. Serja ħafna tkun l-introduzzjoni ta’ kull xorta ta’ drogi, ta’ xorb alkoħoliku u ta’ sigaretti, u dan mhux biss fl-inħawi kollha fil-Kulleġġ, iżda wkoll fuq il-karozzi lejn u lura mill-Kulleġġ, kif ukoll f’kull ħarġa u żjara ta’ l‑istudenti ma’ l-għalliema tagħhom barra mill-Kulleġġ. Meta jinstabu, dawn l‑oġġetti jittieħdu u jinżammu mir-Rettur. Is-sejba ta’ drogi tkun abbuż li għalih jista’ jsir rapport dirett lill-pulizija. Il-ġenituri jintalbu jiġu l-Kulleġġ immedjatament.
Minħabba l-ħsara li tista’ ssir bihom:
Ma għandhomx jinġiebu u/jew jintlibsu affarijiet ta’ valur u/jew li jistgħu jweġġgħu, jew ifixklu, fosthom mobile phones, cameras tar-ritratti, walkmans, discmans, cassette recorders
u radios.
Ma għandhomx jinġiebu kotba, magazines, CDs, DVDs, li jkun fihom kitba, xeni, stampi mhux korretti jew mhux addattati biex ikunu f’idejn l-istudenti u li jistgħu ikunu ta’ ħsara
morali.
Huwa permess għar-Rettur, l-Assistant Kap u l-għalliema li jagħmlu kull tfittxija għal oġġetti bħal dawk imsemmija hawn fuq. Meta jinstabu, dawn l‑oġġetti jittieħdu u jinżammu mir-Rettur. Il-ġenituri jkunu jistgħu jieħdu lura dawn l-oġġetti billi jiġu personalment għalihom.
Iċ-chewing gum huwa strettament ipprojbit fl-iskola u waqt ħarġiet ta’ l‑iskola. L-istudent li jinqabad biċ-chewing gum jagħmel tajjeb għall-ħsara li tista’ ssir.
Fil-Kulleġġ mhux permess fluid corrector (liquid tippex). Jekk jinqabad f’idejn l‑istudent jittieħed u ma jingħatax
lura.
L-istudenti la għandhom jilbsu msielet fil-Kulleġġ u lanqas safety shoes. Bis-safety shoes wieħed faċli jweġġa’ lill-oħrajn
Għajat, dagħa u kull kliem offensiv huwa strettament ipprojbit.
M’hemmx ġiri jew imbuttar fil-kurituri u fit-taraġ
Dħul fi kmamar speċjali bħalma huma l-kmamar tal-Arti u d-Disinn Tekniku, il‑Librerija u l-Laboratorji tal-Kompjuter, Xjenza u Fiżika mhux permess jekk l‑istudenti ma jkunux akkumpanjati minn għalliema.
Studenti ma jistgħux jidħlu fl-uffiċċji, fit-Teachers’ Room u stores mingħajr il‑permess tar-Rettur, ta’ l-Assistent Kap jew ta’ l-għalliema.
Huwa assolutament ipprojbit li studenti joħorġu mill-Kulleġġ mingħajr il-permess tar-Rettur. Din il-projbizzjoni tibda tgħodd minn x’ħin l-istudenti jaslu l-Kulleġġ, jiġifieri filgħodu, anke qabel ma ddoqq il-qanpiena għall-assembly. L-istudenti għandhom jiġu dritt il-Kulleġġ u mhux joqogħdu jduru ma’ l-inħawi jew joqogħdu jpaċpċu fl-inħawi tal-Kulleġġ. Min jinqabad ma jobdix dan ir-regolament jista’ jintbagħat id-dar u/jew jittieħdu passi dixxiplinari oħra kontrih.
Il-Kulleġġ San
Elija huwa kulleġġ fejn kull student, u kull persuna li taħdem
fil‑Kulleġġ, għandhom dritt li jkunu ferħanin
u jagħmlu suċċess
.Il-bullying
iweġġa’ ħafna u ma jistax jiġi ttollerat.
Il-bullying
jista’ jieħu forom differenti: minn laqmijiet u għajdut
sa swat.
Fil-Kulleġġ San
Elija kulħadd hu fid-dmir li jara li ma jkunx hemm bullying.
L-istudenti
li jkunu bullied għandhom dejjem jgħidu lil xi ħadd mill-Għalliema
tagħhom, il-Form Teacher, il-Guidance Teacher, l-Assistant Kap jew
lir-Rettur. Meta tgħid lil xi ħadd minn dawn il-persuni,
tkun responsabbli. Dan mhux l-istess bħal meta tivvinta fuq
xi ħadd.
Il-bullies
jiġu ttrattati kif ikun hemm bżonn u jkunu kkastigati skond
il-gravità tal-każ li jkun. Jingħata rapport u/jew
titniżżel nota fir-record ta’ l-istudent u jistgħu
jissejħu wkoll il-ġenituri.
Ftakar
li jekk tara l-bullying isir u ma tagħmel xejn, inti tkun ħati
daqs il-bully nnifsu.
Id-dixxiplina hija valur importanti li
sservi ta’ għodda
siewja tul il-ħajja. Għalhekk il‑Kulleġġ għandu
d-dmir u d-dover li jgħallem u jrawwem fl-istudenti l-valuri
tad‑dixxiplina
u tar-regolamenti.
Id-dixxiplina
hija r-responsabilità ta’ kull min għandu x’jaqsam
direttament jew indirettament mal-proċess edukattiv ta’ l-istudent
fil-Kulleġġ u għalhekk ħadd ma jista’ joqgħod
lura milli jeżerċita dan id-dmir.
L-ideal
fid-dixxiplina huwa li wieħed ikun kapaċi jimxi mar-regoli
u jorganizza u jikkontrolla l-imġiba tiegħu nnifsu (self-control,
self-discipline). Kultant dan ma jseħħx, għalhekk
xi ħadd minna l-kbar ikollu jikkoreġi u jagħti xi kastig.
B’mod
pożittiv, il-Kulleġġ iwissi u jiggwida lil min juri
rieda tajba li jsewwi xi żbalji li jagħmel. Fejn student
jagħżel
li ma jikkoperax u jibqa’ fl-iżball, ma jistax jitħalla
jagħmel ħsara lilu nnifsu u lil sħabu u jkun hemm bżonn
li jittieħdu passi ta’ dixxiplina kontra tiegħu skond
il-gravità tal-każ.
Dawn il-passi ta’ dixxiplina
jinkludu:
twiddiba serja
talba tal-firma tal-ġenituri għall-akkuża magħmula
detenzjoni
fil-ħin tal-break ta’ nofs in-nhar
detenzjoni wara l-ħin
ta’ l-iskola (ara Proċeduri fil-każ ta’ Rapporti tad-Dixxiplina)
sospensjoni mil-lezzjonijiet għall-bqija tal-jum
kollu u jingħata xogħol ta’ l-iskola
rapport ta’ dixxiplina
il-ġenituri jiġu msejħa l-iskola
sospensjoni mil-lezzjonijiet
tal-klassi
sospensjoni mill-iskola ta’ minn tlett ijiem
sa ġimgħa.
1. Meta student jikser xi wieħed
mir-regoli tal-Kulleġġ jjingħata rapport. Il-valur
ta’ kull
rapport ivarja skond il-każ. Ġeneralment għandha
tintuża din l-iskema:
Rapport għax nesa l-ktieb / pitazz / noti eċċ
1 punt
Rapport għax ma għamilx il-HW kollu (mhux komplut)
1 punt
Rapport għax għamel il-HW b’mod traskurat
1 punt
Rapport għax ikkopja jew ta ’l min jikkopja
2 punti
Rapport fuq l-uniformi/użu ta’ ċpiepet, imsielet
eċċ
2 punti
Rapport fuq telf ta’ ħin mil-lezzjoni, biex jitla’ fil-klassi,
jinżel għall-assembly eċċ
2 punti
Rapport ta’ nuqqas ta’ HW
3 punti
Rapport ta’ tkeċċija mill-klassi
3 punti
Rapport ta’ mġiba ħażina (fixkel, distratt,
m’obdiex, tkellem eċċ)
3 punti
Rapport għax ġie tard il-Kulleġġ
3 punti
Rapport ta’ mġiba ħażina fuq it-trasport
4 punti
Rapport ta’ serq, vandaliżmu
6 punti
Rapporti ta’ bullying
7 punti
Hija fid-diskrezzjoni ta’ l-amministrazzjoni
jekk f’xi każi jittieħdu miżuri dixxiplinarji
aktar iebsin.
2. Għal kull 10
punti li student ikollu mir-rapporti li jkun qala’, jkollu joqgħod
il-Kulleġġ siegħa
wara l-ħin ta’ l-iskola (detention). Matul din is-siegħa,
li normalment tkun bejn is-14:15 u t-15:15, l-istudent jingħata
xi xogħol. Jekk ma jlestix ix-xogħol mogħti, jew
ma jagħmlux
tajjeb, jew ma jġibx ruħu sewwa, jista’ jitwallu l-ħin
li jkollu joqgħod wara l-iskola.
3. L-istudent
dejjem jingħata avviż bil-miktub li jinforma lill-ġenituri
meta jkun se jinżamm wara l-ħin ta’ l-iskola. Il-ġenituri
huma mitluba jiffirmaw dan l-avviż u jibagħtuh lura ma’ l-istudent.
4. F’każijiet
gravi tista’ tingħata esklużjoni ta’ ġurnata
jew aktar u anke tkeċċija.
5. Min
jaqla’ esklużjoni għandu joqgħod attent. Wara
t-tielet esklużjoni jingħata l-aħħar ċans
u f’każ li
jerġa’ jiżbalja, jitkeċċa mill-Kulleġġ. L-għadd
ta’ esklużjonijiet ikompli minn sena skolastika għal
oħra.
Il-Kulleġġ iżomm rekord
ta’ l-imġiba ta’ l-istudenti, sew ta’ l-imġiba
tajba u li tagħmel ġieħ lill-istudenti, kif ukoll ta’ nuqqas
ta’ kooperazzjoni, tfixkil u manjieri ħżiena li l‑istudenti
jagħżlu li juru.
Dan
ir-rekord, imbagħad, ikun jidher
fir-rimarka fuq l-imġiba li titniżżel fuq l-iSchool
Leaving Certificate.
Kull sena
l-ġenituri, fir-rapport ta’ Nofs
is-Sena u ta’ l-Aħħar tas-Sena, jiġu infurmati
bir-Rapporti Pożittivi u Negattivi li binhom ikun irċieva.
